Берлинхими компани Европ болон Азид 30 гаруй үйлдвэр, салбартай Менарини групын Герман дахь салбар бөгөөд компанийн түүх 1890 оноос эхтэй. Өнө удаан жилийн  түүхэн туршлага хуримтлуулсны зэрэгцээ байнга өсөн хөгжиж байгаа. Зарим ажилтнууд 5 үеэрээ уг компанид ажиллаж эм бүтээх, үйлдвэрлэх, зах зээлд нэвтрүүлэх ажилд оролцож байгаагаараа бахархдаг.

Менарини групын стратегийн зорилтод судалгаа шинжилгээ болон олон улсын хэмжээнд үйл ажиллагаа явуулах явдал гол байр эзэлдэг. Үүний тулд үйлчлүүлэгчдийн хэрэгцээг хангах шинэлэг бүтээгдэхүүн гаргахыг эрмэлздэг.

Бүх хэлбэрийн эмийн бэлдмэл, тухайлбал шахмал, уусмал, капсул болон лаа хэлбэрээр үйлдвэрлэдэг. Өндөр чанартай эцсийн бүтээгдэхүүн үйлдвэрлэхийн тулд үйлдвэрийн тоног төхөөрөмжийг бүрэн  шинэчилж, дэвшилтэт технологи нэвтрүүлсэн.

Германд 2000-2003 онуудад дуслын шингэний болон шингэн эмийн нэгж мөн 11 шугамтай шахмал, капсул, бүрмэл шахмал эмийн шинэ үйлдвэрийг ашиглалтанд оруулсан.
Жилдээ 270 сая хайрцаг эм үйлдвэрлэн гаргаж дотоод болон гадаадын зах зээлд гаргадаг.