Манай компанийн ардын уламжлалт арга дээр үндэслэн бүтээсэн “Биомон” гоо сайхны иж бүрдэл нь Монголын шилдэг брэнд төдийгүй дэлхийн зах зээлд Монголын нэр хүндийг өргөж яваа цөөхөн бүтээгдэхүүний нэг юм. 2005 онд Дэлхийн Оюуны Өмчийн Байгууллагаас тус компанийн ерөнхий захирал Б.Эрдэнэхишиг “Биомон” иж бүрдлээрээ “Шилдэг зохион бүтээгч” шагналыг авч байсан юм. “Биомон” иж бүрдлийн найрлагад уураг, лактоз, витамин С, тосны хүчлүүд зэрэг бие махбодид чухал ач холбогдол бүхий биологийн идэвхит бодис ордог ба уураг нь нүүрний тосны найрлагад орсноор тосонд агуулагдаж буй ус чийгийг өөртөө шингээж, арьсанд тэжээл нэвчиж арьсыг чийглэг зөөлөн болгодог. 

Манай компанийн Эрдэм Шинжилгээний Төвд манай орны нэртэй эрдэмтдээс гадна Герман улсын гоо сайхны үйлдвэрийн мэргэжилтнүүд хамтран ажиллаж, амьтан, ургамал, эрдсийн гаралтай байгалийн түүхий эдээр олон улсын стандарт, чанарын түвшинд хүрсэн шинэ бүтээгдэхүүн хийж байгаа ба зарим бүтээгдэхүүнээ Япон, Герман, Хятад, Тайвань, Непал, ОХУ зэрэг орнуудад экспортлож байна. 

 “Монос Гоо сайхан” ХХК-ийн “Биомон” иж бүрдэл цуврал, “Марал”, “Алое” иж бүрдлүүд, “Ганга” нүүр цэвэрлэгч, “Нялхас” хүүхдийн цацлага, “Удвал” энгэсэг зэрэг 40-өөд нэр төрлийн бүтээгдэхүүн нь зохиогчийн эрхийн патенттай мөн Стандартчилал Хэмжилзүйн Үндэсний Төв /СХҮТ/-ийн тохирлын тэмдэг авсан.

  “Монос Гоо сайхан” нь Словений KRKА пүүсийн эмчилгээний гоо сайхны бүтээгдэхүүн, Солонгосын CoverQueen нүүр будалтын брэндийн албан ёсны дистрибьютерээр ажилладаг. 

Дэлгэрэнгүй мэдээлэл авахыг хүсвэл www.monoscosmetics.mn вэб руу орж үзээрэй.